200 СТУДЕНТИ КРЕИРААТ РЕШЕНИЈА ЗА 3 ПРЕДИЗВИЦИ

1.) Paperops

Со оваа иницијатива учениците од училиштето во Битола дојдоа до идеја, како може да ја заштитиме животната средина со намалување на процентот на исечени дрвја а воедно и нивно целосно исклучување при изработката на хартиени амбалажи, а место нив да се користи природно ѓубриво од овошје и зеленчук. Целта на овој проект е да се искористат природните ресурси како лушпите од овошјето, преку рециклирање и да се дојде до финален продукт хартија за пакување која што ќе биде користена во секојдневната намена.

2.) Aero2

Учениците од Кавадарци ни ја претставија нивната идеја која се заснова на иновативен прочистувач на воздух кој во себе содржи хепа филтер, сензор за загаденост, дисплеј, и литиумска батерија која трае до 48 часа со само едно полнење. Притоа батерија може да се полни на сончева енергија, покрај можноста за полнење преку струја, опција која што би заштедила илјадници денари. Концептот на продуктот е достапен во 3 варијанти, во зависност од површината која сакате да ја заштитите. Исто така овој производ доаѓа со своја апликација која што ве известува за загаденоста на воздухот преку вашиот мобилен телефон.

3.) Eco House

Многу интересна идеја на учениците од средното стручно улилиште во Гостивар, со која што секое дете за време на своето школување ќе има можност да работи на одвикнување од своите лоши навики, а воедно и да придонесува за позелена и поздрава животна средина. Се работи за катче во кое ќе се одвиваат веќе одбрани работни активности поврзани со зеленото движење, односно активности кои би можеле да ги имплементираат сите средношколци од нашата земја за подобро утре.

4.) Vending machine for recycling 

Учениците од Кочани со навидум веќе познат изум во по развиените земји во европа, но не и кај нас. Се работи за машина која што би рециклирала не само пластичен отпад ( шишиња ), туку и хартиени продукти, за кои што поединецот би добивал награди претворени во поени кои би можеле да се искористат при извршување на некоја активност во општината како плаќање на паркинг место, купување на онлајн портали и многу други работи.

5.) Trash pinger

Победата на првото издание на GTEC во Македонија отиде во Охрид, заедно со нивната апликација со која што би се активарле сите лица кои се загрижени во каква околина живеат. Се работи за апликација во која секој поединец поседува профил, и во реално време може да обележи односно стави pin заедно со слика на местото каде што би требало да се активира и да се отстрани отпадот. Апликацијата исто така обезбедува награди и титули за најактивните корисници.